पूर्वप्रधानमन्त्री तथा जनता समाजवादी पार्टीका संघीय परिषद अध्यक्ष डा. बाबुराम भट्टराईले विघटित प्रतिनिधिसभालाई पुनःस्थापित गरेर संविधान र लोकतन्त्रलाई ट्रयाकमा ल्याउनका लागि आह्वान गरेका छन् । 

डा. भट्टराईले सामाजिक सञ्जालमार्फत संविधान र लोकतन्त्रको रक्षाका लागि आह्वान गरेका हुन् । महामारी नियन्त्रणमा पूरै शक्ति लगाउनुपर्ने समयमा राजनीतिक खाल्डो खन्ने र पुर्नेमा व्यस्त रहनुपरेको उनको भनाइ छ । 

डा. भट्टराई लेख्छन्, 'अरू देश आफ्ना नागरिक सबैलाई छिटो कोभिड–१९ खोप जुटाउन व्यस्त छन्, हामी चाँही कोही खाल्डो खनिरहने, अरू पुरिरहने खेलमै समय÷शक्ति खर्चने भयौँ ।'

डा. भट्टराईले अदालत, राजनीतिक दल र नागरिक सबैले आआफ्नो धर्म निभाउँदै अगाडि बढ्नुपर्ने बताए । भट्टराईको आह्वान छ, 'अब त चेतौँ – छिटो संवैधानिक परिषद विधेयक खारेजी र संसद पुनःस्थापना गरेर संविधान÷लोकतन्त्र ट्रयाकमा ल्याऊँ !'

अरू देश आफ्ना नागरिक सबैलाई छिटो कोभिड-१९ खोप जुटाउन व्यस्त छन्,हामी चाहिं कोही खाळ्डो खनिरहने अरू पुरिरहने खेलमै समय/शक्ति खर्चने भयौं।अब त चेतौं-छिटो संवैधानिक परिषद विधेयक खारेजी र संसद पुनर्स्थापना गरेर संविधान/लोकतन्त्र ट्र्याकमा ल्याऊॅ! अदालत/दल/नागरिकले आआफ्नो धर्म निभाऊॅ!

— Baburam Bhattarai (@brb1954) June 23, 2021