पूर्वप्रधानमन्त्री तथा नेकपा माओवादी केन्द्रका अध्यक्ष पुष्पकमल दाहाल प्रचण्डले राष्ट्रपति अत्यधिक रबर स्ट्याम्प बनेको बताएका छन् । बानेश्वरमा पत्रकारहरुसँग छलफल गर्दै प्रचण्डले यस्तो बताएका हुन् । 

विपक्षी गठबन्धनको तर्फबाट आयोजित पत्रकारसँगको छलफलमा बोल्दै प्रचण्डले आफूले यसअघि राजाकै शान बढी भनेर बोलेको विषयलाई गलत रुपमा अर्थ्याइएको बताए । उनले आफूले राजाको प्रशंसा नगरेको बताए । 

राजा फाल्नका लागि गरिएको आन्दोलनको नेतृत्वकर्ताले राजा राम्रो कुनै हालतमा भन्न नसक्ने प्रचण्डले बताए । उनले आफूले अहिलेको राष्ट्रपति राजाभन्दा पनि खराब भएको बताएको प्रष्ट पारे । 

तत्कालीन राजाले भन्दा अहिलेको राष्ट्रपतिले बढी खराबी प्रदर्शन गरेको प्रचण्डको भनाइ छ । उनले आफूहरु अहिले पदको लडाइँमा नभएको पनि प्रष्ट पारे ।

प्रचण्डले भने, ‘हाम्रो लडाइँ प्रधानमन्त्री पदका लागि होइन पत्रकार साथीहरु । यो पटक हामी कोही पनि प्रधानमन्त्री बन्न पाए वा सरकार बनाउन पाए भन्ने लोभमा छैनौँ ।