सुनसरीको कोसी गाउँपालिकामा बिहान भएको सवारी दुर्घटनामा तीन जनाको मृत्यु भएको छ ।

पूर्वपश्चिम सडक खण्ड अन्तर्गत भाण्टाबारीमा माइक्रोबस, मोटरसाइकल र पिकअप भ्यान एक आपसमा जुध्दा तीन जनाको मृत्यु भएको हो ।

मृत्यु हुनेमा मोटरसाइकल चालक, मोटर साइकलमा सवार विराटनगरका रामप्रसाद साह र पिकअप चालक विराटनगरकै अक्षय गुप्ता रहेको  प्रदेश ट्राफिक प्रहरी कार्यालय इटहरीले जनाएको छ ।

मोटरसाइकल चालकको भने नाम खुलेको छैन । उनीहरू सबैको जिल्ला अस्पताल इनरुवामा उपचारका क्रममा मृत्यु भएको हो ।

बिहान ७:४५ मा पूर्वबाट पश्चिम तर्फ जाँदै गरेको बा३ख ७२२४ हायस माइक्रोले स६प ४६६१ मोटरसाइकल र को१च ९३६८ पिक अपलाई ठक्कर दिएको थियो । हायस चालक र सह चालक घाइते छन् ।

घाइते हुनेमा हायस चालक विदुर नगरपालिकाका दिवस तामाङ र सोही स्थानका  सह चालक नारायण बस्याल  रहेका छन् ।