राष्ट्रिय प्रजातन्त्र पार्टीका अध्यक्ष कमल थापाले पार्टीको महाधिवेशन भदौमै हुनुपर्ने बताएका छन् । अध्यक्ष थापाले सामाजिक सञ्जालमार्फत पार्टीको महाधिवेशन भदौमै हुनुपर्ने बताएका हुन् ।
अध्यक्ष थापाले अहिले राजसंस्था र हिन्दु राष्ट्रको पक्षमा माहोल तातेका समयमा राप्रपा गतिहीन हुन नहुने भन्दै आगामी भदौमा पार्टीको महाधिवेशन गर्नुपर्ने आफ्नो प्रष्ट धारणा रहेको बताएका छन् ।
थापाले हिन्दु राष्ट्र/राजसंस्थाको पक्षमा माहोल तातेको बेला सशक्त भूमिका खेल्नका लागि महाधिवेशन आवश्यक भएको धारणा राखेका हुन् । उनले राप्रपालाई अग्रणी शक्ति बनाउन महाधिवेशन भदौमै हुनुपर्ने बताए ।
अध्यक्ष थापाले ’तीनघोडे रथ’को गतिहीनता अन्त्य गर्दै फागुनमा हुने स्थानीय चुनावको तयारी गर्नका लागि तथा पार्टी एकता गर्दाको सम्झौता पालना गर्न पनि भदौमा पार्टी महाधिवेशन हुनुपर्ने बताएका हुन् ।
हिन्दुराष्ट्र/राजसंस्थाको पक्षमा माहौल तातेको बेला सशक्त भूमिका खेल्न,राप्रपालाई अग्रणी शक्ति बनाउन,फागुनमा हुने स्थानीय चुनावको तयारी गर्न,'तीनघोडे रथ'को गतिहिनता अन्त्य गर्न र पार्टी एकता गर्दाको सम्झौता पालना गर्न आगामि भदौमा पार्टी महाधिवेशन हुनुपर्छ भन्ने मेरो स्पष्ट धारणा छ
— Kamal Thapa (@KTnepal) June 27, 2021
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
