बलिउड अभिनेता शाहरुख खानको जासुसी ड्रामा ‘पठान’ले रिलिज मिति घोषणा गरेको छ । चलचित्र सन २०२२ को इदमा रिलिज हुनेछ । छायांकनकै क्रममा रिलिज डेट सार्वजनिक गरेको चलचित्र कोरोना कहरका कारण स्थगित गरिएको थियो । रिलिज मिति घोषणासँगै फिल्म पुन: छायांकनमा गएको छ ।

‘पठान’ सिद्धार्थ आनन्दले निर्देशन गरेका हुन् । यही चलचित्र मार्फत शाहरुख दुई वर्षपछि ठूलो पर्दामा फर्किन लागेका हुन् । उनी सन् २०१८ मा प्रदर्शन भएको ‘जिरो’बाट अपेक्षित सफलता नपाएपछि ठूलो पर्दाबाट टाढिएका थिए ।

चलचित्र ‘पठान’मा शाहरुखका साथमा अभिनेत्री दीपिका पादुकोण र अभिनेता जोन अब्राहमको भूमिका रहेको छ । चलचित्रमा सलमान खानको पनि ‘स्पेसल इन्ट्री’ रहने जनाइएको छ ।