गायन रियालिटी सो ‘द भ्वाइस अफ नेपाल’को तेस्रो सिजनका दुई प्रतिस्पर्धीले गीतकाे म्युजिक भिडियाे सार्वजनिक गरेका छन् । प्रतियोगीमध्येका धर्मेन्द्र सुनार र किरण गजमेरको युगल गायनमा पश्चिमेली भाकाको झल्को दिने ‘नदेखिन्या घाउ’ बोलको गीत सार्वजनिक भएकाे हाे । 

सार्वजनिक गीत लेखु सहयात्रीले लेखेका हुन् । करणराज कार्कीले संगीत गरेको गीतमा देवेश राईले संगीत संयोजन गरेका छन् । गीतको म्युजिक भिडियो पनि सार्वजनिक गरिएको छ ।

मौसम हिमालीले निर्देशन गरेको गीतको म्युजिक भिडियो पिटर गुरुङले खिचेका हुन् । विष्णुहरि तिमिल्सिनाले भिडियो सम्पादन गरेका छन् ।

म्युजिक भिडियोमा सशस्त्र प्रहरीका इन्स्पेक्टर पृथ्वी खनाल, देवेन्द्र बब्लु र संगीता थापाले अभिनय गरेका छन् ।