छिमेकी राष्ट्र भारतको उत्तराखण्ड राज्यको नयाँ मुख्यमन्त्री भारतीय जना पार्टीका नेता पुष्कर सिंह धामी बनेका छन् । धामी उत्तराखण्डका ११औँ मुख्यमन्त्री बन्न सफल भएका छन् ।
मुख्यमन्त्री तीरथ सिंह रावतले राजीनामा दिएपछि धामी नयाँ मुख्यमन्त्री बन्न सफल भएका हुन् । भाजपाको विधायक दलको आज शनिबार बसेको बैठकले धामीलाई नयाँ मुख्यमन्त्री बनाउने निर्णय गरेको थियो ।
विधायक दलको बैठकले सर्वसम्मत रुपमा धामीलाई नयाँ मुख्यमन्त्री चुनेको हो । धामीको विकल्पमा बैठकमा कुनैपनि व्यक्तिको नाम नआएको बिजेपीले जनाएको छ ।
सन् १९७५ सेप्टेम्बर १६ मा पिथौरागढको टुण्डी गाउँमा जन्मिएका धामी सैन्य परिवारका सदस्य हुन् । उनका पिता भारतीय सेनामा रहेका थिए ।
धामीले उत्तराखण्डका राज्यपाल बेबी रानी मौर्यसामु मुख्यमन्त्री पदको सपथ लिएका हुन् । विवादित बयानका कारण मुख्यमन्त्री रावतले कार्यकालको चौथो महिनामा राजीनामा दिएपछि धामी मुख्यमन्त्री बनेका हुन् ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।