राष्ट्रिय प्रजातन्त्र पार्टीका अध्यक्ष कमल थापाले समाज, राष्ट्र सनातन वैदिक मान्यताको धरातलमा उभिएको सत्य स्वीकार्नका लागि हीनताबोध नगर्न आह्वान गरेका छन् ।
अध्यक्ष थापाले सामाजिक सञ्जालमार्फत अहिले हामीहरुले हाम्रो परिवार, समाज, राष्ट्र सनातन वैदिक मान्यताको धरातलमा उभिएको सत्य स्वीकार्दै हीनताबोधबाट मुक्त हुनका लागि आह्वान गरेका हुन् ।
थापाले हिन्दु राष्ट्र र संघीयताबारे प्रमुख राजनीतिक दलहरू भित्र बहस हुनु सकारात्मक पक्ष भएको बताए । नेकपा एमालेको केन्द्रीय कमिटी बैठकमा उक्त विषयमा कुरा उठेपछि थापाले सकारात्मक भएको बताएका हुन् ।
पश्चिमा देशहरुले इसाई धार्मिक मान्यतामा समाज, राष्ट्र चलेको छ भन्दा गौरव गर्ने गरेको भन्दै थापाले हामीहरुले पनि सनातन वैदिक मान्यतालाई मान्न हीनताबोध गर्न नहुने बताए ।
हिन्दुराष्ट्र र संघियताबारे प्रमुख राजनीतिक दलहरू भित्र बहस हुनु सकारात्मक छ।
— Kamal Thapa (@KTnepal) July 4, 2021
पश्चीमा देशहरू ईसाई धार्मिक मान्यतामा समाज/राष्ट्र चलेको छ भन्दा गौरव गर्छन्।हामी भने हाम्रो परिवार,समाज/राष्ट्र सनातन वैदिक मान्यताको धरातलमा उभिएको सत्य स्विकार्न हिनताबोध गर्छौं।यो हिनताबाट मुक्त हौँ
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
