९ दिनदेखि हराइरहेकी एक युवतीको शव चितवनमा भेटिएको छ । चितवनकी सुजता भण्डारी अपहरणमा परेको भन्दै ९ दिनअघि उनको परिवारका सदस्यले प्रहरीमा उजुरी दिएका थिए ।
भण्डारीले अन्तिमपटक दिदीलाई फोन गरेर आफूलाई तीन जनाले अपहरण गरेको बताएकी थिइन् ।
त्यसपछि प्रहरीले अनुसन्धान सुरु गरेको थियो । अनुसन्धानका लागि सिआइबीको टोली पनि खटिएको थियो । तर, उनले भनेको ठाउँभन्दा अन्यत्र नै उनको मोबाइलको लोकेसन देखिएपछि उनी अपहरणमा नपरेको हुनसक्ने अनुमान प्रहरीले गरेको थियो ।
उनी अपहरणमा परे पनि कसैले कुनै धम्कीपूर्ण वा फिरौतीका लागि रकम पनि मागेको थिएन । त्यसैले प्रहरीले यो घटनालाई सहज रुपमा लिएको थियो ।
तर, आइतबार साँझ प्रहरीको शव भेटिएपछि घटनाले नयाँ मोड लिएको छ । प्रहरीले फेरि यो घटनाको अनुसन्धान गर्ने जनाएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।