बलिउडका कलाकार नसीरुद्दिन शाह अस्पतालबाट डिस्चार्ज भएका छन् । शाह बुधबार बिहान अस्पतालबाट डिस्चार्ज भएका हुन् । 

शाहका छोरा भिभानले सामाजिक सञ्जालमा फोटो हाल्दै बुवा घर फर्किएको जानकारी दिएका हुन् ।

७० वर्षीय शाह गत मंगलबार निमोनिया देखिएपछि मुम्बईको पिडी हिन्दुजा हस्पिटल एन्ड मेडिकल रिसर्च सेन्टरमा भर्ना भएका थिए । 

तीन पटक राष्ट्रिय पुरस्कार जितेका शाहले पछिल्लो पटक विवेक अग्नीहोत्रीको ‘द ताश्कन्द फाईलस्’, सीमा पाहवाको ‘रामप्रसाद कि तेहरवी’, र जी ५ को ‘मी रक्सम’ मा अभिनय गरेका थिए ।

भारतीय चलचित्रमा गरेको योगदानका लागि भारत सरकारले उनलाई पद्मश्री र पद्मभूषणबाट पनि सम्मान गरिसकेको छ ।

सन् १९७५ मा रिलिज भएको फिल्म ‘निशान्त’ बाट उनले बलिउडमा प्रवेश गरेका थिए ।  हालसम्म उनले सयभन्दा धेरै फिल्ममा अभिनय गरिसकेका छन् ।