मोरङमा सवारी साधनको ठक्करबाट एक जनाको मृत्यु भएको छ ।

जिल्लाको बुढीगंगा गाउँपालिका-३ मा पहिचान नखुलेको सवारी साधनले ठक्कर दिँदा बिहीबार राति बुढीगंगा-३ का २० वर्षीय रामकुमार राजवंशीको मृत्यु भएको हो ।

जिल्ला प्रहरी कार्यालय मोरङका अनुसार राति १० बजेतिर राजवंशी गम्भीर घाइते भएको अवस्थामा सडकमा लडिरहेका थिए । उनलाई उपचारका लागि कोसी अस्पताल पठाइएको थियो । उपचारकै क्रममा १०ः५५ बजेतिर उनको मृत्यु भएको प्रहरीले जनाएको छ ।

प्रहरीले अनुसन्धानबाट राजवंशीलाई सवारी साधनले नै ठक्कर दिएको निष्कर्ष निकालेको छ । यद्यपि सवारी साधनको पहिचान खुल्न नसक्दा समस्या भइरहेको प्रहरीले बताएको छ ।