गायक दीप श्रेष्ठ ‘द भ्वाइस अफ नेपाल’को सेटमा फर्किएका छन् । साेको कोचका रूपमा रहेका श्रेष्ठ कोरोना संक्रमणपछि आराम गरिरहेका थिए । दुई साताभन्दा धेरै अस्पतालमा उपचार गराएका श्रेष्ठले केही समय घरमै आराम गरे ।

केही समय रोकिएको ‘द भ्वाइस अफ नेपाल’को प्रसारण सुरु हुँदा श्रेष्ठ घरमै थिए । उनको ठाउँमा कोचका रूपमा गायक राजेश पायल राईले कुर्सी सम्हाले । अब भने श्रेष्ठ ‘द भ्वाइस अफ नेपाल’को सेटमा फर्किएका छन् ।

श्रेष्ठ सेटमा फर्किएपछि शोका निर्देशक लक्ष्मण पौडेलले भने, ‘दीप सर द भ्वाइसको सेटमा फर्किसक्नु भएको छ । अब हरेक शुक्रबार र शनिबार नै दर्शकले उहाँलाई शोमा कोचको भूमिका निर्वाह गरेको देख्न पाउनेछन् ।’

‘द भ्वाइस अफ नेपाल’मा अहिले उत्कृष्ट १२ प्रतिस्पर्धीले प्रतिस्पर्धा गरिरहेका छन् ।