मोडेल सुधीर श्रेष्ठ र रोशनी कार्की अभिनित ‘तिमी निष्ठुरी हौ’ बोलको म्युजिक भिडियो सार्वजनिक भएको छ । सेन्टिमेन्टल भर्सनको यस गीतमा प्रेम वियोगको वेदना प्रस्तुत गरिएको छ।  

गायक बेदु सारु मगरको स्वर रहेको यस गीतलाई गायक मगर र दिनेश सुवेदीले लेखेका हुन् । गीतमा गायक मगरको नै संगीत रहेको छ।  दीक्षित पौडेलले गीतलाई संगीत संयोजन गरेका हुन्।

गोदावरीमा छायांकन गरिएको भिडियोलाई  पवन सुस्लिङ्गले छायांकन र सम्पादन गरेका हुन्।  सीता पोख्रेल निर्मात्री रहेको यस भिडियोलाई स्वर्णिम थापाको कन्सेप्ट र निर्देशनमा तयार पारिएको हो।

गायक मगरको आधिकारिक च्यानल बेदु सारु मगरुमार्फत भिडियो सार्वजनिक गरिएको हो।  भोइस अफ टिनको उपाधि विजेता समेत रहेका गायक मगरले यसअघि डोली पियारी, तिमी नै त हौ लगायतका गीतहरू सार्वजनिक गरिसकेका छन्।