नेपाली कांग्रेसमा नेता रामहरि खतिवडाले प्रधानमन्त्री केपी शर्मा ओलीले अल्पमतमा रहेर पनि छलकपट गरेर बहुमतमाथि शासन गरिरहेको बताएका छन् । खतिवडाले अोलीले अदालतलाई समेत ढाँटेको बताएका छन् ।
खतिवडाले सामाजिक सञ्जालमार्फत जबर्जस्ती ३३ प्रतिशत भएका ओलीले ६६ प्रतिशतभन्दा माथिलाई शासन गरेर पनि सर्वोच्च अदालतलाई आफू वैधानिक भएको भनेर ढाँट्न सफल भएको बताए ।
संसदीय व्यवस्थामा ५१ प्रतिशतले ४९ प्रतिशतलाई शासन गर्नुपर्नेमा प्रधानमन्त्री ओलीले सबैलाई ढाँटेर शासन गरिरहेको खतिवडाको आरोप छ । उनले ओलीसँग जबर्जस्ती ३३ प्रतिशतमात्रै भएको बताए ।
खतिवडाले अब अदालतले ओलीलाई अवैधानिक भन्नुपर्ने बताए । उनले संसद विघटनको मुद्दाको फैसलामार्फत ओली हट्नुपर्ने भन्दै लेखेका छन्, ‘२८ गतेको फैसला संविधानको र संसदीय व्यवस्थाको पक्षमा हुनेछ ।
संसदिय ब्यबस्थामा ५१ प्रतिशतले ४९ लाई शासन गर्छ !
— Ramhari Khatiwada (@RamhariKhatiwa) July 10, 2021
तर हाम्रा प्रधानमन्त्रीले जबर्जस्त ३३ प्रतिशतले ६६ प्रतिशत माथी शासन गरेर अझै म बैधानिक प्रधानमन्त्री हु भनेर सर्बोच्च अदालतलाई समेत ढाट्न सफल हुनुहुन्छ !
२८गतेको फैसला संविधानको र संसदिय ब्यबस्थाको पक्षमा हुनेछ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।