विश्व नम्बर १ अस्ट्रेलियन अस्लेइग बार्टीले विम्बल्डन टेनिस अन्तर्गत महिलातर्फको उपाधि हात पारेकी छन् ।
बार्टीले लन्डनमा शनिबार राति सम्पन्न फाइनल खेलमा चेक गणतन्त्रकी कोरोलिना प्लिस्कोभाको चुनौतीलाई पार गर्दै पहिलोपटक विम्बल्डनको उपाधि उचालेकी हुन् ।
२५ वर्षीय बार्टीले उपाधि हात पार्ने क्रममा प्लिस्कोभालाई ६–३, ६–७ (४–७) र ६–३ को सेटमा पराजित गरिन् ।
सेमिफाइनलमा एन्जिलिक केर्बरलाई हराउँदै पहिलोपटक विम्बल्डनको फाइनलमा प्रवेश गरेकी बर्टीले पहिलो प्रयासमै उपाधि हात पार्न सफल भइन् ।
प्लिस्कोभाले साबलेन्कालाई पराजित गर्दै फाइनलमा स्थान पक्का गरेकी हुन् ।
बार्टीको यो दोस्रो ग्रान्डस्लाम उपाधि हो । यसअघि उनले फ्रेन्च ओपन टेनिसको उपाधि हात पारेकी थिइन् ।
पुरुषतर्फको उपाधिका लागि आइतबार (आज) नोभाक जोकोभिच र माटियो बेरेटिनी प्रतिस्पर्धा गर्नेछन् ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
