जुनको अन्त्यसँगै फ्रि-एजेन्ट बनेका बार्सिलोनाका कप्तान लियोनल मेस्सी क्लबसँगको नयाँ सम्झौता नजिक पुगेका छन् ।
स्पेनिस सञ्चारमाध्यममा आएका समाचार अनुसार मेस्सी बार्सिलोनामै रहन आफ्नो तलबको ५० प्रतिशत कटौती गर्न पनि तयार भएका छन् ।
स्पेनिस पत्रिका एल स्पाेर्ट्सटिउका अनुसार मेस्सी र क्लबबीच नयाँ सम्झौतामा हस्ताक्षर भइसकेको र औपचारिक रूपमा घोषणा हुन मात्र बाँकी छ ।
मेस्सी र बार्सिलोनाबीच सम्झौता भएको आधिकारिक रूपमा पुष्टि हुन अझै केही दिन लाग्न सक्ने बताइएको छ । ट्रान्सफर समय अझै बाँकी रहेकाले यसलाई सन्तुलित बनाउन समय लिइएको हुनसक्ने अनुमान गरिएको छ ।
मेस्सी आगामी सिजन पनि बार्सिलोनामै रहने लगभग पक्का भइसकेको छ । उनी र क्लबबीच कम्तीमा पनि ५ वर्षका लागि नयाँ सम्झौता हुने अनुमान गरिएको छ ।
३४ वर्षीय मेस्सीको विषयमा क्लबका अध्यक्ष जोन लोपार्टा र मुख्य प्रशिक्षक रोनाल्ड कोम्यान सकारात्मक देखिएका छन् ।
पहिल्यैदेखि मेस्सी क्याम नोउमै रहने बताउँदै आएका उनीहरू केही दिनअघि फ्रेन्च क्लब पेरिस सेन्ट जर्मन (पिएसजी) ले मेस्सीलाई नभित्र्याउने बताएपछि खुसी देखिएका थिए ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।