पूर्वप्रधानमन्त्री एवं जनता समाजवादी पार्टी (जसपा)का संघीय परिषद् अध्यक्ष बाबुराम भट्टराईले नेपालमा बाह्य शक्तिहरुको चलखेल बढेको बताएका छन् । 

आइतबार संसदमा सम्बोधन गर्दै भट्टराईले बाह्य चलखेलका कारण अहिलेसम्मका सबै उपलब्धि गुमाउने खतरा पैदा भएको बताएका हुन्।

देशलाई अध्याँरो सुरुङमा धकेल्ने र दृश्य–अदृश्य भित्री–बाहिरी शक्तिहरुको चलखेलले सबै उपलब्धिलाई गुमाउने खतरा पैदा भएको उनको भनाइ छ । 

निवर्तमान प्रधानमन्त्री केपी ओलीप्रति संकेत गर्दै उनले भष्मासुर प्रवृत्तिका कारण व्यवस्था नै संकटमा पर्न खोजेको बताए । 

अहिलेसम्म प्राप्त भएको उपलब्धि आधा मात्रै भएको भन्दै उनले ओलीले त्यही आधा गिलासलाई घोप्ट्याएको तर आफूहरुले कमसेकम आधा गिलास भने पनि फिर्ता गर्न लागेको बताए ।