छिमेकी मुलुक भारतमा पछिल्लो २४ घन्टामा थप ३५ हजार ३४२ जनामा कोरोना संक्रमण पुष्टि भएको छ भने थप ४८३ जना संक्रमितले ज्यान गुमाएका छन् । 

यसै गरी पछिल्लो २४ घन्टामा थप ३८ हजार ७४० जना संक्रमणमुक्त भएका छन् । भारतमा  ४ लाखभन्दा धेरै संक्रिय संक्रमित रहेका छन् । भारतमा हालसम्म ३ करोड ५ लाख ६८ हजार ७९ जना संक्रमित निको भइसकेका छन् ।

भारतीय स्वास्थ्य मन्त्रालयका अनुसार हालसम्म भारतमा भाइरसबाट ४ लाख १९ हजार ४७० जनाको ज्यान गइसकेको छ भने ३ करोड १२ लाख ९३ हजार ६२ जनामा संक्रमण पुष्टि भइसकेको छ ।

भारत संक्रमितका हिसाबले विश्वको दोस्रो र मृत्युको हिसाबले तेस्रो स्थानमा रहेको छ ।

भारतमा हालसम्म कोरोना भाइरसविरुद्ध ४२ करोड ३४ लाख १७ हजार ३० डोज खोप लगाइसकिएको छ ।