धादिङमा कोरोना विरुद्धको अमेरिकी जानसेन खोप लगाएलगत्तै एक वृद्धको निधन भएको छ । अमेरिकी जोनसन एन्ड जोनसन कम्पनीको खोप लगाए लगत्तै वृद्धको निधन भएको हो । 

नीलकण्ठ नगरपालिकाको वडा नम्बर ७ स्थित सुनौलाबजारमा आज जानसेन खोप लगाएपछि ७८ वर्षीय नरबहादुर श्रेष्ठको निधन भएको हो । खोप लगाएर घर फर्किएका श्रेष्ठको खोप लगाएको करिब ४० मिनेट पछि निधन भएको हो । 

खोप लगाएर घर पुगेपछि बेहोस भएर ढलेका श्रेष्ठको उपचारको लागि जिल्ला अस्पताल लैजाँदै गर्दा बाटोमा नै निधन भएको हो । 

श्रेष्ठको निधन खोपको कारणले वा अन्य केही कारणले भएको भन्ने विषयमा यसै भन्न नसकिने र त्यसका लागि अनुसन्धान गरिने स्वास्थ्य कार्यालय धादिङले जनाएको छ ।