जापानमा जारी टोकियो ओलम्पिकको तेस्रो दिन आइतबार अमेरिकाले स्वर्णको खाता खोलेको छ ।
पुरुष व्यक्तिगत ४०० मिटर मिड्लेमा पौडीबाज चेस कालिसले ४ मिनेट ०९.४२ सेकेन्डको समय निकाल्दै पहिलो स्वर्ण हात पारेका हुन् ।
यो स्पर्धामा अमेरिकाकै जे लिदरल्यान्डले रजत र अस्ट्रेलियाका बे्रन्डन स्मिथले कास्य पदक हात पारे ।
महिला व्यक्तिगत ४०० मिटर मिड्लेमा आयोजक जापानकी पौडीबाज युई ओहशीले ४ मिनेट ३२.०८ सेकेन्डको समय निकाल्दै स्वर्ण जितिन् ।
यो स्पर्धामा अमेरिकी पौडीबाज इमा वियन्टले रजत र हेली फ्लिकइन्गरले कास्य पदक हात पारे ।
पुरुष ४०० मिटर फ्रि-स्टाइलमा ट्युनिसियन पौडिबाज अहमद हाफनओइले ३ मिनेट ४३.३६ सेकेन्डको समय निकाल्दै स्वर्ण हात पारे ।
यस स्पर्धामा अस्ट्रेलियाका ज्याक म्याकउग्लिनले रजत र अमेरिकाका काइरन स्मिथले कास्य पदक हात पारे ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।