सत्ता साझेदार दल जनता समाजवादी पार्टीमा देखिएको विवादका कारण प्रधानमन्त्री तथा नेपाली कांग्रेसका सभापति शेरबहादुर देउवाले प्रधानमन्त्री पदमा नियुक्त भएको दुई साता भइसक्दा पनि मन्त्रिपरिषद् विस्तार गर्न सकेका छैनन् ।
२९ असारमा प्रधानमन्त्री पदको सपथ लिँदा प्रधानमन्त्री देउवाले आफूसहित कांग्रेसका दुई र माओवादी केन्द्रका दुई गरि चार जनालाई मन्त्री पदमा नियुक्त गरेका थिए ।
त्यसपछि ३ साउनमा प्रधानमन्त्रीमा विश्वासको मत लिए ।
तर, अहिलेसम्म उनले मन्त्रिपरिषद्लाई पूर्णता दिन सकेका छैनन् । आइतबार स्वास्थ्य राज्यमन्त्रीमा उमेश श्रेष्ठलाई नियुक्त गरेका देउवाले यो साताभित्र आफ्नो क्याबिनेटलाई पूर्णता दिने बताइएको छ ।
‘उहाँले यही साता मन्त्रिपरिषद् विस्तार गर्ने तयारी गर्नु भएको छ,’ बालुवाटार स्रोतले फरकधारसँग भन्यो, ‘त्यसका लागि सत्ता साझेदार अरु दलहरुका नेताहरुलाई पनि मन्त्रीको सूची दिन अनुरोध गरिसक्नु भएको छ ।’
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।