राष्ट्रिय प्रजातन्त्र पार्टीका अध्यक्ष कमल थापाले संघीयताको खारेजी, धर्मनिरपेक्षताबारे जनमतसंग्रह र राजसंस्था पुनःस्थापनाका सम्बन्धमा विभिन्न पक्षबाट उठिरहेको आवाज सकारात्मक रहेको बताएका छन् ।
सोमबार साँझ सामाजिक सञ्जालमार्फत अध्यक्ष थापाले यस्तो बताएका हुन् । सोमबारै विवेकशील साझा पार्टीका अध्यक्ष रवीन्द्र मिश्रले यी विषयमा जनमत संग्रह गर्नुपर्ने माग राखेका थिए ।
मिश्रको मागप्रति लक्षित गर्दै अध्यक्ष थापाले जनमतसंग्रहको आवाज उठ्नु सकारात्मक भएको बताएका हुन् ।
‘विगतमा राप्रपा एक्लैले उठाउँदै आएको एजेण्डाको पक्षमा जनमत बढ्दै जानु र ती विषयमा राष्ट्रिय बहस हुनु राप्रपाको सफलता हो,’ उनले लेखेका छन्,
‘हामी सही बाटोमा छौँ भन्ने प्रमाणित हुँदै छ ।’
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
