कोरोना भाइरसको कहर संसारभर व्याप्त छ । सन् २०१९ को डिसेम्बरमा चीनको वुहानबाट फैलिएको भाइरसले रोकिने नाम लिएको छैन । भाइरसका अनेकन भेरियन्ट देखिएका छन् । 

जोन्स होप्किन्स युनिभर्सिटीका अनुसार विश्वभर कोरोना भाइरसबाट ४१ लाख ६६ हजार ९६७ जनाले ज्यान गुमाइसकेका छन् भने १९ करोड ४६ लाख ७१ हजार ४१३ जनामा संक्रमण पुष्टि भइसकेको छ । 

भाइरसबाट सबैभन्दा धेरै प्रभावित मुलुक हो- अमेरिका । अमेरिकामा हालसम्म ६ लाख १० हजार ९५१ जना संक्रमितले ज्यान गुमाइसकेका छन् ।

अमेरिकापछि ब्राजिलमा भाइरसबाट ज्यान गुमाउनेको संख्या धेरै रहेको छ । ब्राजिलमा हालसम्म ५ लाख ५० हजार ५०२ जना संक्रमितले ज्यान गुमाइसकेका छन् । 

छिमेकी मुलुक भारत मृत्युको हिसाबले विश्वको तेस्रो स्थानमा छ । यहाँ हालसम्म ४ लाख २० हजार ९६७ जना संक्रमितले ज्यान गुमाइसकेका छन् । 

यसैगरी मेक्सिकोमा २ लाख ३८ हजार ५९५, पेरुमा १ लाख ९५ हजार ८९०, रुसमा १ लाख ५२ हजार ६९, बेलायतमा १ लाख २९ हजार ४६०, इटालीमा १ लाख २७ हजार ९७१ र कोलम्बियामा १ लाख १९ हजार १८२ जनाले ज्यान गुमाइसकेका छन् ।