प्रधानमन्त्री शेर बहादुर देउवालाई चिनियाँ समकक्षी ली खछ्याङले शुभकामना सन्देश पठाएका छन् । देउवालाई संसदमा विश्वासको मत लिएपछि समकक्षीले बधाई सन्देश पठाएका हुन् ।

बधाई सन्देशमा नेपाल र चीनको सम्बन्ध सुमधुर रहेको भन्दै देउवाको कार्यकालमा उक्त सम्बन्ध थप सुदृढ हुने विश्वास चिनियाँ प्रधानमन्त्री लीले व्यक्त गरेका छन् । 

चिनियाँ प्रधानमन्त्री लीले देउवालाई बधाई सन्देश पठाएको नेपालस्थित चिनियाँ दूतावासले एक विज्ञप्तिमार्फत जनाएको छ । 

चिनियाँ प्रधानमन्त्री लीले देउवासँग मिलेर काम गर्न इच्छुक रहेको र देउवा कार्यकालमा नेपाल चीन सम्बन्ध थप उचाइमा पुग्ने सन्देशमा विश्वास व्यक्त गरेका दूतावासले जारी गरेको विज्ञप्तिमा जनाएको छ ।