महोत्तरीमा बुधबारबाट हराइरहेका एक बालकको शव भेटिएको छ । महोत्तरी रामगोपालपुर नगरपालिका ६ का चन्द्रकिशोर यादवका पाँच वर्षीय छोरा रितेशको शव उनको घर नजिकै भेटिएको हो ।

बिहीबार उनको शव भेटिएपछि पोष्टमार्टमका लागि जिल्ला अस्पताल पठाइएको प्रहरीले जानकारी दिएको छ ।

बालकको शव भेटिएपछि प्रहरीले उनका बाबु र सौतेनी आमालाई पक्राउ गरेर अनुसन्धान सुरु गरेको छ । यी बालककी आमा केहीअघि घरबाट भागेपछि उनका बाबुले दोस्रो विवाह गरेका थिए ।

स्थानीयहरुले प्रहरीलाई जनाएअनुसार बुधबार सौतेनी आमासँग यी बालक बाहिर घुम्न निस्किएका थिए । तर, अबेरसम्म उनी नफर्किएपछि उनको खोजी सुरु गरिएको थियो ।