महानगरीय ट्राफिक प्रहरी महाशाखाले बढी भाडा लिने सवारीलाई नियमित रुपमा कारबाही गरिरहेको जनाएको छ । 

बढी भाडा लिने, सिट क्षमताभन्दा बढी यात्रु सार्वजनिक यातायातमा राख्ने र रातो नं प्लेट राखेर यात्रु ओसारपसार गर्ने सार्वजनिक यातायातलाई नियमित रुपमा समाएर कारबाही गरिएको महाशाखाले जनाएको छ । 

बढी भाडा लिने, सिट क्षमताभन्दा बढी यात्रु चढाउने र रातो नं प्लेट राखेर यात्रु बोक्ने सवारीका विषयमा महाशाखाको फोन नं १०३ मा खबर गर्न पनि महाशाखाले आह्वान गरेको छ ।

सरकारले असार २८ गते अन्तर प्रदेश चल्ने सार्वजनिक यातायातमा भाडा बढाएको थियो । न्यूनतम चार किमि यात्रा गर्दा १४ भाडा तोकिएकामा हाल २० उठाउन थालेको यात्रुको भनाइ छ । 

२८ प्रतिशत भाडा बढेकाले २० लिएको सार्वजनिक यातायातका परिचालकको भनाइ छ । यसरी भाडा लिँदा परिचालकले टिकट भने दिँदैनन् ।