पहिरोका कारण मकवानपुरको भैँसे–भीमफेदी सडक अवरुद्ध भएको छ । यस सडकखण्डको धोर्सिङमा गएराति ठूलो पहिरा गएपछि सडक अवरुद्ध भएको हो । यो सहित यस सडकमा भीमफेदी गाउँपालिका–६ मा मात्रै ५ ठाउँमा पहिरो गरेको छ । धोर्सिङबाहेक अन्य ठाउँको पहिरो  भने साना रहेको प्रहरीले जनाएको छ। 

सडकमा विभिन्न ठाउँमा गएको पहिरोका कारण भीमफेदी–कुलेखानी हुँदै काठमाडौं आउने सवारी साधनको लाइन भैँसेदेखि पान्द्राङसम्म पुगेको  इलाका प्रहरी कार्यालय भीमफेदीका प्रहरी निरीक्षक सुरेन्द्र श्रेष्ठले जानकारी दिएका छन् । 

पहिरो पन्छाउने काम भइरहेको र अझै केही घण्टा लाग्ने प्रहरी निरीक्षक श्रेष्ठले बताएका छन् ।