जापानको टोकियोमा जारी ३२ औँ संस्करणको गृष्मकालीन ओलम्पिकका स्वर्ण धारी दुई चिनियाँ खेलाडीमाथि अनुसन्धान सुरु भएको छ । 

अन्तर्राष्ट्रिय ओलम्पिक कमिटी (आइओसी)ले खेल भावनाविपरीत कार्य गरेको भन्दै ट्रयाक साइक्लिङ महिला स्प्रिन्ट टिम इभेन्टमा स्वर्ण हात पारेका बाओ सान्जु र सुङ टियान्सीमाथि अनुसन्धान सुरु गरेको हो । 

उनीहरुले पुरस्कार वितरण समारोहमा चिनियाँ कम्युनिस्ट पार्टीका पूर्वनेता माओत्सेतुङको ‘ब्याच’ लगाएका थिए । आइओसी यसै विषयमा अनुसन्धान थालेको हो ।

ओलम्पिकको नियमअनुसार खेल आयोजना स्थलमा कुनै पनि राजनीतिक, धार्मिक वा जातियताको बारेमा प्रचार प्रसार तथा प्रदर्शन गर्न पाइँदैन ।

दुई खेलाडीले नियम तोडेको भन्दै आइओसीले चिनियाँ ओलम्पिक कमिटीसँग रिपोर्टसमेत माग गरेको छ ।