युवकमाथि कुटपिट गरेको अभियोगमा जाजरकोटका वडाअध्यक्ष पक्राउ परेका छन् । जुनीचाँदे गाउँपालिका–२ का वडाध्यक्ष रामबहादुर नेपालीलाई पक्राउ गरिएको जिल्ला प्रहरी कार्यालय जाजरकोटका प्रहरी निरीक्षक खुमानन्द पाण्डेले जानकारी दिए ।
पाण्डेका अनुसार वडाअध्यक्ष नेपालीलाई पक्राउ गरी प्रहरी कार्यालय ल्याइँदै छ । पीडित युवक प्रेम दमाईलाई जाहेरी दिन भनिए पनि अहिलेसम्म जाहेरी नआएको प्रहरी निरीक्षक पाण्डेले बताए ।
सार्वजनिक स्थलमा कुटपिट गरेको अभियोगमा वडाअध्यक्ष नेपालीमाथि कारबाही हुने उनले जानकारी दिए । पीडित युवकले जाहेरी नदिए पनि कानुन अनुसार कारबाही गरिने उनको भनाइ छ ।
यही साउन १५ गते वडा कार्यलयमा आएर लफडा गरेको भन्दै वडा अध्यक्ष रामबहादुर नेपालीसहितले प्रेमलाई कुटपिट गरेको भिडियो भाइरल भएको थियो ।
यो पढ्नुहोस् : युवकमाथि कुटपिट गर्ने वडाअध्यक्ष भन्छन्-‘मेरो भतिजो पर्छ, रक्सी खुवाएर धाँधली गर्न पठाएछन्’
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
