इंग्लिस क्लब लिभरपुलले ब्राजिलियन गोलरक्षक एलिसन बेकरसँग सम्झौता नवीकरण गरेको छ । 

सम्झौता नवीकरणसँगै २८ वर्षीय एलिसन सन् २०२७ सम्म लिभरपुरमै रहनेछन् । उनी सन् २०१८ मा इटालियन क्लब रोमाबाट लिभरपुर आएका थिए । 

‘म र मेरो परिवार निकै खुसी छौँ, मेरो परिवार यहाँको वातावरणमा घुलमिल भइसकेका छन्,’ एलिसनले सम्झौतापछि भने, ‘म यो निर्णयमा साँच्चै खुसी छु । मैले यहाँ राम्रो गरिरहेको अनुभुति भएको छ । मलाई यहाँ सहज नै छ ।’  

एलिसनले लिभरपुरका लागि १३० खेल खेल्दा १ गोल गरेका छन् । लिभरपुरले यो सिजनमा उनीसहित तीन खेलाडीकाे सम्झाैता नवीकरण गरिसकेकाे छ ।

यसअघि लिभरपुरले ट्रेन्ट एलेक्सान्डर आर्नोल्ड र फाविन्होसँग समान ५ वर्षका लागि सम्झाैता नवीकरण गरेको थियो ।