पूर्व प्रधानसेनापति रुक्माङ्गत कटवालले अमेरिकी सहयोग परियोजना एमसिसीलाई पास गराउन लाग्ने नेताहरु नेपाली हुनै नसक्ने बताएका छन् । कटवालले सामाजिक सञ्जालमार्फत यस्तो बताएका हुन् । 

कटवालले एमसिसी पास भएर लागु भए नेपालको सम्प्रभूता, स्वाधिनता र स्वाभिमान चकनाचुर हुने बताएका छन् । उनले लेखका छन्, ‘म फेरि भन्छु : एमसिसीमा लेखिएका प्रावधानसहित तेसमा पनि बिधाइकाबाट पास गराएर लागु गर्दा नेपालको सम्प्रभूता ,स्वाधिनता र हाम्रो स्वाभिमान चकनाचुर हुन्छ ।’

पूर्व प्रधानसेनापति कटवालले नेपालको अस्तित्व नै संकटमा पर्नसक्ने गरी एमसिसी पास गराउन खोज्ने नेताहरु नेपाली हुनै नसक्ने बताए । उनले एमसिसी नेपालको हितमा नभएको ठोकुवा गरे । 

कटवालले लेखेका छन्, ‘ यस्तो हालतमा एमसिसी पास गराउन खोज्ने नेताहरु नेपाली हुन सक्दैनन् । नेपाली हुँ भनेर गौरव गर्ने स्वाभिमानी सम्पूर्ण नेपालीहरुले घोर बिरोध गर्नैपर्छ । कुनै पनि हिसाबले यही हालतमा एमसिसी पास हुन दिनुहुँदैन ।’