फ्रेन्च क्लब पेरिस सेन्ट जर्मन (पिएसजी) का ब्राजिलियन फरवार्ड नेइमारले आफ्ना पूर्वसहकर्मी लियोनल मेस्सी क्लबमा आएको खन्डमा उनलाई जर्सी नम्बर १० दिन तयार रहेको बताएका छन् ।
स्पेनिस क्लब बार्सिलोनासँग सम्झौता नवीकरण हुन नसकेपछि अर्जेन्टिनी फरवार्ड मेस्सी पिएसजी जाने चर्चा चलिरहेको समयमा नेइमारले उनका लागि आफ्नो जर्सी छाड्न तयार रहेको बताएका हुन् ।
गेट फ्रेन्च फुटबल न्युजका अनुसार नेइमारले क्लबसँग १० नम्बरको जर्सी मेस्सीलाई दिन प्रस्ताव गरेका छन् ।
नेइमार र मेस्सीबीच व्यक्तिगत रूपमा राम्रो सम्बन्ध रहेको छ । दुवैले सन् २०१३ देखि २०१७ सम्म बार्सिलोनाका लागि सँगै खेलेका थिए ।
सन् २०१७ मा पिएसजी आएयता नेइमारले १० नम्बरको जर्सी लगाएर खेलिरहेका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, टिकटक, युट्युबमा पनि जोडिन सक्नुहुन्छ ।
