भारतको हिमाञ्चल प्रदेशमा पहिरो खस्दा कम्तीमा पनि १० जनाको मृत्यु भएको छ भने १४ जना घाइते भएका छन् । 

भारत तिब्बत सीमा पुलिस(आइटिबिपी)ले  १० जनाको मृत्यु भएको पुष्टि गरेको हो ।

राजमार्गमा पहिरो खस्दा बस, ट्रक र अन्य साना गाडी पुरिएका छन् ।

हिमाञ्चल प्रदेशका मुख्यमन्त्री जयराम ठाकुरले दुर्घटनाको बारेमा जानकारी दिँदै पहिरोमा पुरिएका मानिसलाई जीवितै उद्धार गर्न हरसम्भव प्रयास गर्ने बताएका छन् । 

मुख्यमन्त्री ठाकुरले पहिरोमा ५०-६० मानिस पुरिएको हुनसक्ने जानकारी दिएका छन् ।

हिमाञ्चल प्रदेशमा पछिल्लो डेढ महिनामै ३५ जनाभन्दा धेरै मानिसको पहिरोमा परी मृत्यु भइसकेको छ ।