खाेप केन्द्रमा जान नसक्ने जेष्ठ नागरिकलाई अब घरघरमै काेराेना खोप
फरकधार / २९ साउन, २०७८
फाइल तस्बिर

कोरोना विरुद्धको खोप लगाउनका लागि सरकारले तोकेको खोप केन्द्रसम्म जान नसक्ने जेष्ठ नागरिकले अब घरघरमै कोरोना खोप पाउने भएका छन् । उक्त विषयमा सर्वोच्च अदालतले आदेश दिएको हो । 



अदालतले खोप केन्द्रसम्म जान असमर्थ जेष्ठ नागरिकलाई घरमै गएर कोरोना खोप लगाउन सरकारको नाममा अन्तरिम आदेश दिएपछि अब उनीहरुले घरघरमै कोरोना खोप पाउने भएका हुन् । 

न्यायाधीश प्रकाशकुमार ढुंगानाको एकल इजलासले खोप केन्द्रसम्म जान असमर्थ जेष्ठ नागरिक, हिँडडुल गर्न नसक्ने, अस्पतालले पहिचान गरेका दीर्घरोगी तथा फरक क्षमता भएका दुवै आँखा नदेख्ने नागरिकहरुको लगत संकलन गर्न र घरघरमा पुगेर खोप लगाउन अन्तरिम आदेश दिएको छ ।



अधिवक्ता प्रवेश केसीले दायर गरेको रिटमाथि सुनुवाइ गर्दै न्यायाधीश ढुंगानाको इजलासले खोप केन्द्रसम्म पुग्न नसक्ने नागरिकहरुलाई घरघरमा गएर कोरोनाको खोप दिन आदेश दिएको हो । 



  • प्रकाशित मिति : साउन २९, २०७८ शुक्रबार १६:४४:५,  

फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, टिकटक, युट्युबमा पनि जोडिन सक्नुहुन्छ ।


यो सामग्री सेयर गर्नुहोस्


यो पनि नछुटाउनुहोस्
रञ्जित तामाङ
 |  १९ साउन, २०७९
मल्टिमिडिया