नेकपा एमालेका नेता तथा पूर्व सञ्चारमन्त्री गोकुल बाँस्कोटाले छुवाछुत व्यक्तिमा रहेको गलत मनोवैज्ञानिक समस्या भएको भन्दै हिन्दु संस्कृतिको अंग नभएको बताएका छन् । 

बाँस्कोटाले सामाजिक सञ्जालमार्फत छुवाछुत व्यक्तिमा रहेको गलत मनोवैज्ञानिक समस्या भएको बताएका हुन् । उनले छुवाछुत हिन्दु संस्कृतिको अंग नभएको प्रष्ट्याएका हुन् । 

व्यक्ति र धर्म संस्कृति एक आपसमा जोडिएको भन्दै बाँस्कोटाले भैँसी पूजा र होली वाइन समारोह आयोजना गर्नेले जलारी र राम मन्दिरको विरोध किन गरेको भन्दै प्रश्न गरे । 

बाँस्कोटाको प्रश्न छ, ‘थिएन भने भैँसी पूजा र होली वाइन समारोह किन आयोजना गरिए ? जलारी र राम मन्दिरको विरोध चाहिँ किन ? युरोप अमेरिकामा चर्च र राज्य मात्र छुट्याइएको हो ।’

लुकेर चिना हेराउनेहरुले अहिले जात धर्मको गलत व्याख्या गरेर फुटाली लाएको बाँस्कोटाले बताए । उनले भने, ‘छुवाछुत व्यक्तिमा रहेको गलत मनोवैज्ञानिक समस्या हो, हिन्दु संस्कृतिको अंग होइन । लुकेर चिना हेराउनी, फुटानी लाउने ।’