सत्तारुढ नेकपा माओवादी केन्द्रका अध्यक्ष पुष्पकमल दाहालले अमेरिकी परियोजना मिलिनियम च्यालेन्ज कर्पोरेसन (एमसिसी) सम्झौतालाई सत्तारुढ गठबन्धनभित्र खेल्ने हतियारका रूपमा प्रयोग गर्न खोजिएको आरोप लगाएका छन् ।
आइतबार पार्टीको केन्द्रीय कमिटी बैठकमा बोल्दै उनले विदेशी सहयोगबाट देशमा विकास हुन्छ त्यस्तो सहयोग लिन आपत्ति नहुने बताए । यसप्रति कुनै प्रकारको उग्र टिप्पणी नगर्न पनि उनले केन्द्रीय सदस्यहरूलाई आग्रह गरे ।
अधिकांश केन्द्रीय सदस्यले एमसिसीबारे पार्टीको धारणा स्पष्ट पार्न आग्रह गरेपछि जवाफमा दाहालले यस्तो बताएका हुन् । ‘एमसिसीप्रति पार्टीको धारणामा केही परिवर्तन नआएको भन्दै उनले यसप्रति उग्र टिप्पणी नगर्न आग्रह गरेका हुन् ।
बैठकमा केन्द्रीय सदस्यहरूले यसप्रति पार्टीको समान धारणा बनाउन अध्यक्षसमक्ष आग्रह गरेका थिए । पार्टीका शीर्ष नेताबीच नै एमसिसीबारे मतभेद देखिँदा तल्लो तहमा नराम्रो सन्देश गएको उनीहरुको भनाइ थियो ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।