एमाले विवाद उत्कर्षमा पुगेका बेला उपमहासचिव घनश्याम भुसाल अध्यक्ष केपी शर्मा ओलीसँग निर्णायक वार्ताका लागि उनको निवास बालकोट पुगेका छन् ।
भुसाल एमालेको विवाद समाधान कार्यदलमा माधव नेपाल पक्षबाट सदस्य थिए । उनीसहित कार्यदलका केही नेताहरु सकेसम्म एमले विभाजन हुन नदिने कसरतमा लागेका छन् ।
सोही बमोजिम भुसाल ओलीसँग छलफल गर्न बालकोट पुगेका हुन् । यसअघि उनले माधव नेपालसँग बानेश्वरमा छलफल गरेका थिए ।
अन्तिम समयमा केही चमत्कार हुन्छ कि भनेर अध्यक्षसँग परामर्श गर्न भुसाल बालकोट गएको नेपाल पक्षले बताएको छ ।
सरकारले दल विभाजनसम्बन्धी अध्यादेश ल्याएपछि विपक्षी दल एमालेको राजनीति तरंगित बनेको छ ।
ओलीले नेपाल पक्षका १४ सांसदलाई पदबाट हटाउन सिफारिस गर्दै संसद सचिवालयमा पत्र पठाएका छन् । नेपाल पक्ष पनि समूहगत छलफलमा व्यस्त छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
