जापानबाट आउन बाँकी एस्ट्राजेनेकाको कोरोना खोप शनिबार र काठमाडौं आइपुग्ने भएको छ। नेपालस्थित जापानी दूतावासले उक्त जानकारी दिएको हो।

जापानले १६ लाख १४ हजार ७४० डोज कोरोना खोप नेपाललाई अनुदान सहयोगस्वरुप उपलब्ध गराउने घोषणा गरेको थियो। सोही घोषणाअनुसार आधाजसो खोप केही दिनअघि काठमाडौं ल्याइएको थियो। बाँकी आधा खोप यही भदौ ५ र ७ गते काठमाडौं आइपुग्ने दूतावासद्वारा आज जारी विज्ञप्तिमा उल्लेख छ। 

‘खोप सहयोग नेपाल र जापानबीचको मित्रताको विम्ब हो। जापानले प्रतिबद्धता गरेभन्दा पनि बढी खोप अगस्टपछि उपलब्ध गराउनेमा म विश्वस्त छु,’ नेपालका लागि जापानी राजदूत किकुता युताकाले बताएका छन्।