नेकपा एमालेका प्रचार विभाग उपप्रमुख सूर्य थापाले माधवकुमार नेपालसहित १४ जना सांसदमाथि गरिएको कारबाही पनि फिर्ता नहुने बताएका छन् । ।
आइतबार हिमालय टेलिभिजनको कार्यक्रम समय सन्दर्भमा बोल्दै थापाले भीम रावलसहित ५७ जनाले दिएको अल्टिमेटमको कडा प्रतिकार गरेका छन् । थापाले १० बुँदे सहमति कार्यान्वयन भइसकेको भन्दै थापाले सके विद्रोह गरेर देखाउन चुनौती दिएका छन् ।
भीम रावल, घनश्याम भुसाललगायतका एकतावादी नेताहरुले अध्यक्ष केपी शर्मा ओलीलाई दिएको अल्टिमेटमप्रति लक्षित गर्दै उनले एकता चाहेको कि विभाजन ? भनेर प्रश्न गरेका छन् ।
माधव नेपालले पार्टी छाडेर केही नभएको भन्दै थापाले दल विभाजन हुने गरी सरकारले ल्याएको अध्यादेशको विरोध नगरेको भन्दै एकता पक्षधर नेताहरुप्रति आपत्ति जनाए ।
भीम रावलसहितका नेताले भदौ ८ गतेसम्म १० बुँदे सहमति कार्यान्वयन नगरे विद्रोह गर्ने चेतावनी दिएका छन् । ओलीनिकट थापाको सो अभिव्यक्तिलाई अर्थपूर्ण रुपमा हेरिएको छ ।
केही दिनअघि एमाले अध्यक्ष ओलीले पनि रावललगायतलाई लक्षित गर्दै पिलो निचोरिए पनि खिल बाँकी रहेको भन्दै कटाक्ष गरेका थिए ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
