नेपाली सेनामा हालसम्म ५७ हजार जनाले कोरोना भाइरस विरुद्धको खोपको दुवै डोज लगाइसकेका छन् । 

कोरोना खोपको पहिलो डोज मात्र लगाउने सेनाको संख्या ७१ हजार रहेको नेपाली सेनाका प्रवक्ता सहायक रथी सन्तोष बल्लभ पौडेलले जानकारी दिए । 

कोरोना भाइरस रोकथाम तथा नियन्त्रणमा अग्रपंक्तिमा खटिएको नेपाली सेनाका ६ हजार ९८० जनालाई हालसम्म कोरोना संक्रमण भइसकेको छ । 

कोरोना संक्रमण भएका नेपाली सेनाका जवानहरूमध्ये ६ हजार ८ सय ३२ जना निको भइसकेका छन् । 

हालसम्म कोरोना संक्रमणका कारण १० जना नेपाली सेनाको मृत्यु भएको प्रवक्ता पौडेलले बताए । हाल सेनामा सक्रिय संक्रमितको संख्या १३८ रहेको छ।