जनकपुरधामकी एसिड पीडित आरती साहलाई प्रदेश सरकारले ५ लाख रुपैयाँ आर्थिक सहयोग प्रदान गरेको छ ।
मुख्यमन्त्री लालबाबु राउतले एसिड पीडित साहलाई बिहीबार सो रकम बराबरको चेक हस्तान्तरण गरेका हुन् ।
साहलाई प्रदेश सरकारले कुनै सहयोग नगरेको भनि व्यापक आलोचना भएपनि मुख्यमन्त्री राउतले घटनाको ९ महिना पछि आरतीलाई चेक हस्तान्तरण गरेका हुन् ।
यसअघि, केहि एसिड पीडितलाई घटना लगत्तै अस्पताल पुगेर सहयोग उपलब्ध गराउँदै आएका मुख्यमन्त्री राउतले आरतीलाई आलोचना पश्चात उक्त सहयोग गरेका हुन् ।
आरतीलाई उनका पति सञ्जीव साहले दीपावलीका दिन गत कार्तिक २९ गते एसिड प्रहार गरेका थिए । घाइते आरतीको बायाँ आँखा, कान गुमेको छ भने आधा अनुहार, शरीर र हात समेत जलेको छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, टिकटक, युट्युबमा पनि जोडिन सक्नुहुन्छ ।
