नेकपा (एकीकृत समाजवादी) को संसदीय दलको नेतामा माधवकुमार नेपाल सर्वसम्मत चयन भएका छन् । आज बानेश्वरको ल्होत्से भवनमा बसेको बैठकले उनलाई सर्वसम्मत दलको नेतामा चयन गरेको हो ।
नेपालको नेतृत्वमा बनेको नेकपा एकीकृत समाजवादीले सरकारमा जाने तयारी तीव्र बनाएको छ । जसको तयारीस्वरूप संसदीय दल गठन गरेको हो ।
आजै बिहान प्रधानमन्त्री शेरबहादुर देउवालाई भेट्न नेपाल र प्रचण्ड बालुवाटार पुगेका थिए । उनीहरूलाई देउवाले मन्त्रीको नाम पठाउन अनुरोध गरेका छन् । सरकारमा सहभागी हुनुपूर्व सो दलले संसदीय दलको नेता चयन गर्न लागेको हो ।
नेता मेटमणि चौधरीका अनुसार एकीकृत समाजवादी पार्टी केहीदिनभित्रै सरकारमा सहभागी हुनेछ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
