लमजुङमा आगलागी हुँदा एक दम्पतीकाे ज्यान गएकाे छ ।
जिल्लाकाे मर्स्याङ्दी गाउँपालिका- ९ सेग्लेमा बस्दै आएका ५६ वर्षीय धर्मराज भण्डारी र उनकी श्रीमती ४५ वर्षीया पशुपति भण्डारीकाे आगलागीमा परी मृत्यु भएकाे प्रहरीले जनाएकाे छ ।
राति १ बजेतिर धन्सारमा आगलागी हुँदा दुवै जनाकाे घटनास्थलमै मृत्यु भएकाे प्रहरी नायब उपरीक्षक कृष्णबहादुर कार्कीले बताए ।
पेशाले पूर्व गोरखा सैनिक रहेका धर्मराज र उनकी श्रीमती केही दिन अगाडि मात्र सुधार केन्द्रबाट घर फर्किएका थिए । बढी मादक पदार्थ सेवन गर्ने गरेका दुवै जना नै सुधार गृहमा बसेका थिए ।
के कति कारणले आगलागी भएको भन्ने अहिलेसम्म खुल्न नसकेको प्रहरीले जनाएको छ । अहिले घटनास्थलमा प्रहरीले मुचुल्का तयार पार्ने काम गरिरहेको छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
