नेकपा एमालेका नेता भीम रावलले सरकार अमेरिकी सहायता एमसिसी पारित गरेर कार्यान्वयन गर्न षडयन्त्र हुन थालेको बताएका छन् ।

यसका लागि एमसिसीकी उपाध्यक्ष सोमार नेपाल आउन लागेको र अहिले नेपालमा राजनीतिक अस्थिरता भएको समय पारेर एमसिसी अगाडि बढाउन खोजिएको रावलले आरोप लगाएका हुन् ।

सामाजिक सन्जाल ट्विटरमा एक स्टाटस लेख्दै रावलले अस्थिर राजनीतिक स्थितिमा एमसिसी सम्झौताको चाँजो मिलाइएको र अहिले फेरि अस्तिर राजनीतिक वातावरणमा एमसिसी सम्झौता अघि बढाउने षडयन्त्र हुन लागेको बताएका हुन् ।

उनले यो सरकार जनअनुमोदित नभएको भन्दै यो सरकारसँग एमसिसी अगाडि बढाउने जनादेश सरकारलाई नभएको पनि बताएका छन् ।
 

नेपालमा द्वन्द्व पछिअस्थिर राजनीतिक स्थितिमा एमससी सम्झौताको चाँजो मिलाइयो फेरी अहिले अस्थिर राजनीतिक वातावरणमा एमसीसीकी उपाध्यक्षलाई बोलाई राष्ट्रघाती सम्झौता अघि बढाउने षडयन्त्र हुदैछ।सरकार जनअनुमोदित होइन।देशलाई दीर्घकालीन असर पार्ने सम्झौता गर्ने जनादेश सरकारलाई प्राप्त छैन।

— Dr. Bhim Rawal (@BhimRawal179) September 2, 2021