बिपी काेइराला स्वास्थ्य विज्ञान प्रतिष्ठानकाे सुधारको माग राख्दै आन्दोलन गरिरहेको संघर्ष समितिले आइतबारबाट पुन: सेवा ठप्प पार्ने चेतावनी दिएको छ ।

संघर्ष समितिले आइतबारदेखि इमर्जेन्सी, कोभिड अस्पताल र पूर्व निर्धारित परीक्षा बाहेकको सेवा बहिष्कार गर्ने घोषणा गरेको छ ।

प्रतिष्ठानको शुद्धिकरणको माग गर्दै आन्दोलन गरेको ८० दिन पुग्दा पनि सरकारले आफूहरूको माग सम्बोधन नगरेकाले काम बहिष्कार गर्ने निर्णय गरेको संघर्ष समितिका सह संयोजक डा. विष्णु पोखरेलले जानकारी दिए ।

बिपीको वेथिती र अनियमितताबारे छानबिन गर्ने तर दोषीलाई कारबाही नगर्ने, आन्दोलनरत पक्षसँग पनि सहमति मात्र गर्ने तर कार्यान्वयन गर्न चासो नदिएकाले आन्दोलन पुन: सेवा ठप्प पार्ने आन्दोलन सुरु भएको पोखरेलले बताए ।

उनले आइतबारदेखि इमर्जेन्सी, कोभिड अस्पतालको सेवा र पूर्वनिर्धारित परीक्षाबाहेक सबै सेवा अवरुद्ध गर्ने जनाए ।