भारतसँग मैत्रीपूर्ण खेल खेलेको नेपालले यसपटक खुसी हुने नतिजा निकाल्न सकेन । 

आज दशरथ रंगशालामा भएको खेलमा भारतले नेपाललाई २–१ को गोल अन्तरले पराजित गरेको हो । पहिलो हाफमा बराबरी भएको खेलमा यी तीन गोल नै दोस्रो हाफमा भएका थिए । 

नेपालका लागि एक मात्र गोल तेज तामाङले ८७ औं मिनेटमा गरेका हुन् ।

यसअघि भारतका लागि सुनील क्षेत्री र फारुख चौधरीले एक एक गोल गरेका थिए ।

यसअघि बिहीबार भएको मैत्रीपूर्ण खेलमा भारत र नेपालको खेल १—१ गोलको बराबरीमा सकिएको थियो ।

नेपालले भारतसँग खेलेको यो २१ औं पटक हो । नेपालले यसअघि २ वटा खेलमा मात्र जित निकाल्न सकेको छ । यसअघि बिहीबार दशरथ रंगशालामा भएको खेलमा बराबरीसहित ४ खेलमा बराबरी भएको छ । अन्य १४ खेलमा भारतले जित निकालेको छ ।