नेकपा एमालेका नेता सुवास नेम्वाङले प्रधानमन्त्री शेरबहादुर देउवा नेतृत्वको सरकारको व्यापक आलोचना गरेका छन् ।

उनले परमादेशबाट बनेको सरकार भएकाले अहिलेसम्म केही हुन नसकेको बताएका हुन् । 

नेम्वाङले यो सरकार बनेको ५० दिन भइसक्दा पनि पाँच जना मन्त्रीले मात्र यो सरकार चलाएको देख्दा यो सरकारले केही गर्दैन भनेका छन् ।

‘सरकार विस्तार गर्दा सरकार नै ढल्छ भन्ने छ,’ सुवास नेम्वाङले भने, ‘त्यसैले यो सरकार विस्तार हुनै सकेको छैन ।’

यसअघि सरकारले संसदमा पनि कुनै काम गर्न नसकेको बताएका छन् । 

उनले यसअघि संसद बैठकमा कुनै बिजनेस नभएको र संसद अधिवेशन अन्त्य भएको बताएका छन् ।

सर्वोच्च अदालतको परमादेशबाट सरकार बनेकाले यो जनताको सरकार नभएको पनि उनले बताएका छन् ।