टर्की, मेक्सिको, इन्डोनेसिया, दक्षिण कोरिया र अष्ट्रेलियाले महिलाको सम्बन्धमा तालिबानलाई सामूहिक रुपमा सल्लाह दिएका छन् ।
तालिबानले अफगानिस्तान कब्जा गरेपछि आफ्ना हक अधिकारको सुनिश्चित गर्न भन्दै महिलाहरुले निरन्तर प्रदर्शन गरेपछि ती देशले साझा विज्ञप्ति जारी गर्दै तालिबानलाई सल्लाह दिएका हुन् ।
साझा विज्ञप्तिमा उनीहरुले अफगानिस्तानमा महिला सहभागिता, उनीहरुको अधिकार र सुरक्षा सुनिश्चित गर्न तालिबानलाई भनेका छन् ।
तालिबानले गठन गरेको अफगानिस्तानको अन्तरिम मन्त्रिपरिषद्मा एक जना महिला सदस्य रहेका छैनन् । तालिबानले मन्त्रिपरिषद्मा महिलालाई सहभागी नगराउने बताउँदै आएको छ ।
पाँच देशले विगत वर्षहरुमा अफगानी महिलाहरुले प्राप्त गरेको प्रगतिको संरक्षण गर्दै थप उपलब्धि हासिल गर्ने दिशामा अघि बढ्न तालिबान आग्रह गरेका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
