सभामुख अग्निप्रसाद सापकोटाले सर्वदलीय बैठक आह्वान गरेका छन् । संसदमा प्रमुख प्रतिपक्षी दलले निरन्तर अवरोध जारी राखेपछि सभामुख सापकोटाले सर्वदलीय बैठक बोलाएका हुन् । 

सभामुखको सचिवालयले दिएको जानकारी अनुसार भोलि दिउँसो साढे २ बजेका लागि सर्वदलीय बैठक आह्वान भएको हो । नयाँ बानेश्वरस्थित ल्होत्से हलमा बैठक बोलाइएको संसद सचिवालयले जानकारी दियो ।

साथै, गृहमन्त्री बालकृष्ण खाँडले पनि भोलि शीर्ष नेताहरूबीच छलफल हुने जानकारी गराए । ‘सभामुखजीले सत्तापक्ष र प्रतिपक्षीसँग कुरा गर्नुभयो । भोलि पनि नेताहरूबीच शीर्ष तहमा छलफल हुनेछ । हामी विश्वास गरौं, यो संसद खुल्छ  र संसदले गर्नपर्ने कार्य गर्नेछ’, कार्कीले भने ।