तनहुँस्थित सेती नदीमा खसेर एक युवती बेपत्ता भएकी छिन् । उनको पाँच दिनअघि मात्र विवाह भएको बताइएको छ । तनहुँको शुक्लागण्डकीनजिकै सेती नदीमा खसेर १९ वर्षकी पवित्रा लम्साल बेपत्ता भएकी हुन् । 

उनको पाँच दिनअघि मात्र भिमादका एक युवासँग विवाह भएको थियो ।

मंगलबार दिउँसो साथीहरुसँग टिकटक बनाउन जाँदा पवित्रा सेती नदीमा खसेकी हुन् । उनको टिकटक बनाउनका लागि सेती नदीको किनारमा पुगेको अहिले टिकटकमा आएका भिडियोमा देख्न सकिन्छ ।

साथीहरुले नजाउ नजाउ, सेतीले लैजान्छ भन्दा पनि उनी सेती नदी किनारमा टिकटक बनाउने मोहमा पुगेको देखिन्छ ।

प्रहरीले बेपत्ता पवित्रालाई खोजिरहेको छ । तर, उनी भेटिएकी छैनन् । 

हेर्नुस्, उनी सेती नदीमा हराउनुअघिको भिडियो— 

@prabinthapaofficial

##pabitralamsal##nepalitiktok

♬ original sound - Nabin Jethara Mahasagar